Saturday, June 19

कोरोना लागेकी श्रीमती छोडेर श्रीमान हराए, आमा रुदै मिडियामा (भिडियो)

May 28, 2021 83

घनबहादुर जिसी हराएको करिब ५ दिन भयो । उनी पोखरामा कोरोना लागेकी श्रीमतीको उपचारका लागी आएका थिए । जिसी पोखराको गण्डकी मेडिकल कलेजबाट बेपत्ता भएका हुन् ।

घरमा आमालाई फोन गरेर आफूलाई पनि गाह्रो भएको बताएका जिसी अन्य सहयोगी आएपछि बेपत्ता भएको परिवारले बताएको छ । उनका आफन्तका अनुसार अन्य बिरामी कुरुवा आएपछि उनी अस्पतलाबाटै हराएका हुन् ।

उनको खोजीका लागी जिल्ला प्रहरी कार्यालय कास्की र उनका आफन्तहरु लागि परेका छन् । आखिर किन आफ्नी बिरामी श्रीमती आईसियूमा छोडेर उनी बेपत्ता भए । हेर्नुहोस् यो भिडियो ।

यो पनि , स्थानीय तहमा अक्सिजनसहित कोभिड अस्पताल – कोरोना भाइरसको दोस्रो लहर व्यापकरुपमा फैलिएपछि सङ्क्रमितका लागि जुम्लाका स्थानीय तहले अक्सिजनसहितका कोभिड अस्पताल सञ्चालनमा ल्याएका छन् । यहाँका सात गाउँपालिकाले अक्सिजनसहितको कोभिड अस्पताल सञ्चालनमा आएका छन् । स्थानीय तहका कोभिड अस्पतालमा न्यूनतम तीनदेखि ३० अक्सिजन सिलिण्डरसम्म व्यवस्थापन गरिएको यहाँका स्थानीय तहका स्वास्थ्य शाखाले जनाएका छन् ।

जिल्लाको एकमात्र नगरपालिका चन्दननाथ नगरपालिकामा कर्णाली स्वास्थ्य विज्ञान प्रतिष्ठान नजीक भएकाले कोभिड अस्पताल सञ्चालन गरेको छैन । यहाँको गुठीचौर गाउँपालिकामा पाँचवटा अक्सिजन सिलिण्डर तयारी अवस्थामा राखिएका छन् । पच्चीस सिलिण्डर खरीद प्रक्रिया अघि बढाइएको गाउँपालिका अध्यक्ष हरिबहादुर भण्डारीले बताउनुभयो ।

चिकित्सक र अक्सिजनसहितको कोभिड अस्पताल सञ्चालनमा ल्याएपछि ढुक्कसँग बिरामीको उपचार गर्न सकिने अवस्था रहेको उहाँले जानकारी दिनुभयो । अहिलेसम्म अक्सिजन दिनुपर्ने बिरामी भर्ना भएका छैनन् । बिरामी भर्ना लिनु परेमा पनि अक्सिजन अभाव हुन नदिइने उहाँ बताउनुहुन्छ । लक्षणसहितका कोरोना सङ्क्रमण भएका व्यक्तिको उपचारका लागि आवश्यक सामग्री र जनशक्ति तयारी अवस्थामा राखिएको छ । गाउँपालिकामा १० श्ययाको कोभिड अस्पताल सञ्चालनमा आएको छ ।

हिमा गाउँपालिकामा तीन, तिला गाउँपालिकामा तीन, सिँजा गाउँपालिकामा दुई र कनकासुन्दरी गाउँपालिकामा पाँच अक्सिजन सिलिण्डरसहित कोभिड अस्पताल सञ्चालनमा ल्याइएको हिमाका प्रमुख प्रशासकीय अधिकृत रणबहादुर बुढाले बताउनुभयो । पातारासी गाउँपालिकामा अक्सिजन सिलिण्डर खरीद प्रक्रिया अघि बढाइएको गाउँपालिकाका अध्यक्ष लछिमान बोहोराले बताउनुभयो ।

कर्णाली स्वास्थ्य विज्ञान प्रतिष्ठान शिक्षण अस्पतालले यहाँका हरेक स्थानीय तहमा एक एक चिकित्सक खटाइने जनाएको छ । यहाँका स्थानीय तहमा न्यूनतम २५ देखि अधिकतम ५० श्ययासम्मका आइसोलेशन सेन्टर निर्माण गरिएको जनस्वास्थ्य सेवा कार्यालयले जनाएको छ ।

जिल्ला कोभिड–१९ सङ्कट व्यवस्थापन केन्द्रले अक्सिजन अभावलाई दृष्टिगत गर्दै अक्सिजन बैंक स्थापना गर्ने जनाएको छ । सहयोगी निकायबाट प्राप्त हुने अक्सिजन र खाद्यान्नको बैंक बनाएर केन्द्रको निर्णयबमोजिम वितरण गर्ने निर्णय गरिएको जिल्ला प्रशासन कार्यालयले जनाएको छ ।

प्रतिकृया दिनुहोस्