Sunday, September 19

कोरानावाट छोराछोरी जोगाउँ, एकै दिन ८१ बालबालिका संक्रमित

April 17, 2021 126

कोरोनाको दोस्रो लहरले बालबालिका जोखिममा परेका छन् । विद्यालयहरु कोरोनाको हट स्पट बन्दा बालबालिकाहरु जोखिममा परेका छन् । पछिल्लो २४ घण्टामा ८१ बालबालिकामा कोरोना पुष्टि भएको छ । स्वास्थ्य मन्त्रालयका अनुसार पछिल्लो २४ घण्टामा ० देखि ९ वर्ष समूहका १५ जना र १० देखि १९ वर्ष समूहका ६६ जना बालबालिका कोरोना संक्रमित भएका हुन् । अघिल्लो चरणको कोरोना महामारी भन्दा दोस्रो लहरको कोरोना महामारीमा बालबालिका बढी संक्रमित भएका छन् ।

शुक्रबार देशभर एकैदिन ९ सयजनामा कोरोना पुष्टि भएको छ । जसमा काठमाडौँ उपत्यका र बाँके जिल्ला कोरोफनाको ‘हट स्पट’ बनेको छ । ६ हजार १ सय ५८ नमुना पीसीआर परीक्षण गर्दा ८ सय ३६ जनामा कोरोना पुष्टि भएको छ । यस्तै एन्टीजेन टेष्टमा ६४ जनाको रिपोर्ट पोजिटिभ आएको छ ।

यस्तै २ सय ८ जना कोरोना संक्रमित डिस्चार्ज भएका छन्। यससँगै हालसम्म डिस्चार्ज हुनेको संख्या २ लाख ७४ हजार ८१२ पुगेको छ। हाल देशभर ५ हजार ८ जना सक्रिय संक्रमित रहेका छन्। देशभर हालसम्म कोरोनाबाट ज्यान गुमाउनेको संख्या ३ हजार ७० पुगेको छ।

प्रतिकृया दिनुहोस्